តាមរយៈភាពសប្បាយហឺហា

តាមរយៈភាពសប្បាយហឺហា និងការព្រងើយកន្តើយ នៃអ្នកមានលទ្ធភាពក្នុងសង្គមខ្មែរ ដែលជាទូទៅបានមកពីការគាបសង្កត់រំលោភបំពានលើជនទន់ខ្សោយស្លូតត្រង់ វាបានបញ្ជាក់យ៉ាងច្បាស់ថា ការឈឺចាប់នៃជាតិសាសន៍របស់គេ វាមិនមែនជាការឈឺចាប់រួមរបស់គេឡើយ ។ ដូចគ្នាដែរតាមរយៈនៃការរត់គេចយករួចខ្លួនរាងៗខ្លួន និង ការសម្ងំទទួលនូវការប្រមាថគ្រប់យ៉ាងនៃអ្នកទន់ខ្សោយទាំងឡាយ ក៏បញ្ជាក់ថាពួកគេជាមនុស្សដែលខ្វះការឈឺចាប់ និង បាត់លក្ខណៈជាមនុស្សដែរ ។ ដូចនេះហើយរាល់ស្ថានភាពអាក្រក់នៃសង្គម និង ការប្រមាថដ៏ថោកទាប និងមានលក្ខណព្រៃផ្សៃដែលគេទទួលបាន ពីសំណាក់ជាតិសាសន៍ខ្លួនឯងផង ពីសំណាក់បរទេសជិតខាងផង វាពិតជាសាកសមចំពោះការ សម្ងំសុខ និង ការអោនក្បាលស្វាគមន៍ ចំពោះទង្វើថោកទាបរបស់មនុស្សថោកទាបអស់ទាំងនោះហើយ ។

By: Kov Kea